Moldova devletinin genel inspektoratın kararına görä her yıl poliţiya izmeçileri türlü testleri vererlär. Onnar profesional becermeklerini göstererlär. Büün Komrat dolayın poliţiya işçileri verdilär sport hem tüfektän patlatmak normativlerini.
Poliţiya çalışannarı her yıl zanaat uurunda testleri vererlär. Bununnan onnar kendi dayanıklıını hem kuvet becermeklerini göstererlär. Testlerin arasına girerlär- kaçmakta yarışmaklar, erdän hem turniktä güüdä kaldırmakları- heberledi poliţiya bakannıın presa izmetin temsilcisi Anna Kotar.
ANNA KOTAR Gagauziyanın poliţiya bakannıın presa izmetin temsilcisi
« Sport normativlerinä girer – 100 hem 1000 metraya kaçmak, adamnar için turniktä güüdeyi kaldırmak sınışı hem karılar için erdän güdeyi kaldırmak. Hep ölä poliţiya izmetçileri lääzımdılar daatsınnar hem toplasınnar Makarov pistoletini hem patlatsınnar ondan».
Poliţiya işçilerin becermeklerini Kişinov kasabasından maasuz komisiya bakȇȇr, söledi Anna Kotar.
ANNA KOTAR Gagauziyanın poliţiya bakannıın presa izmetin temsilcisi
« Bu testlerin neeti — kaavilettirmää poliţiyä izmetçilerin sport uurunu, ki onnar kendi işindä silähları dooru kullansınnar ».
Bölä testleri Valkaneş hem Çadır dolayların poliţiya uzmannarı da vereceklär.
