Kaavi lüzgärdän yola yıkılan büük aaç Kaul Sokaanda kopardı elektrik tellerini hem yıktı dirää, haberler Valkaneş primariyasının ofițial saytı.

Primar primariyanın izmetçilerinnän hem elektrikçilärlän birliktä pakladılar yolu: aacın dallarından, düşmüş dürektän hem elektrik kablolarından.

Yaşayannarın danışmalarına görä belli oldu, ani kasabanın 75-80% şafksız kaldı. Yakir sokaan 2 yaşayanı bildirdilär erli kuvetlerinä, ani garajlarını hem yaz kufnilerini su bastı.

Büük yaamurun suları dereyä akaarkana zarar getirdlär. Primariya, kasabada olan derelerin durumunu kontrol etti. Onnarda suyun  uuru 70 santimetrayı geçmer. Gölün gidrotehnika yapımnarı da saa.

Büün Valkaneştä Hatalı olayları kaldırmak komisiyasının oturuşunu yapacêk. Kasabada hatalı olaylar tekrarlanmasın deyni er altında bulunan dükerlerin reviziyasınının yapması için soruş, bakılacêk.

Yaşayannar ekstra olaylarlan baalı var nicä telefon etsinnär 0293 2 02 77  nomerinä.