Gagauziyanın Bakannık komitetin azaları kablettilär postanovleniyayi bölgemizin su resurslarının geçirilmesi için avtonomiyanın balansına.
Gagauziyanın Çiftçilik baş bakannıı son yıllarda birkaç kerä danıştı Moldovanın hükümetinä, Çiftçilik Ministerliinä, ki avtonomiyanın su toplantılarını Gagauziyanın balansına geçirsinnär. Bunun için haberledi Gagauziyanın Çiftçilik baş bakannıın başı Aleksandr Kendigelän.
ALEKSANDR KENDİGELÄN Gagauziyanın Çiftçilik baş bakannıın başı: «Bizim danışmamızı bir kerä dä esaba almadılar.Umutlanȇrım, ani hükümetin eni azaları bakaceklar bu soruşa başka türlü. Butakım, sizä açıklȇȇrım su sızıntıların inventarizaţiyanın çıkışları için, angıları bulunȇrlar Gagauziyada. Lääzımnı kanonnar hem dokumentlär işlesinnär deyni, Bakannık komiteti kableder maasuz protokolu, angısına görä göllerin kullanıcılarını çorbacı saymaa».
Bakannıık komitetin başın işini götürän Vadim Çeban annattı, ne lääzım yapmaa, ki avtonomiyada bulunan göllerdä inventarizaţiyayı geçirmää.
VADİM ÇEBAN Gagauziyanın Bakannıık komitetin başın işini götürän: «Komisiyalar işledilär, yaptılar inventarizaţiyayı herbir gölä. Sanȇrım, ani eni hükümetlän biz bakacez hepsi bildirimneri, angılarını erindeki kuvetlär açıkladılar. Onnar isteerlär su obyektlerini hem fondlarını geçirsinnär onnarın balansına. Bän düşünerim, ani biz eni hükümetlän bu soruşları çözecez da su toplantılarına çorbacı olacez».
Göllerin inventarizaţiyasından sora kurulacek onnarın listesi hem kadastra dokumenti hazırlanaceklar.
Tekst: N. Radiş, video: S.Bejenari, montaj: A.Uzun