Komrat dolay bolniţasının gemodializ bölümün işlemesi için para vererıler Moldova Devletinin mediţina sigortalaması kurumunnan.

Gagauziyada tek gemodializ bölümün finanslaması için annaşmak ilerlendi. Bu iş aslıya çıktı Bakannık komitetin hem Moldova hükümetin yardımınnan, nışannadı bolniţanın başı Elena Novak.

ELENA NOVAK Komrat dolay bolniţasının başı: «Bizimnän imzalandı annaşmak , ani  orak (iül)ayında bizim bolniţada hastalar ilaçlanaceklar. Bundan sora  bu annaşmak yılın sonunadan işleyecek».

Elena Novak nışannadı, ani bu soruşun çözülmesinä katıldılar Avtonomiyanın kuvetleri.

ELENA NOVAK Komrat dolay bolniţasının başı: «Bu soruş baalı diil sade bolniţaylan, ama bütün  Gagauziyaylan. Sanêrım, ani esaba alacêz hepsi bakışları.   Bän isteerim gemodializ bölümü olsun bolniţada da bizim hasatalara taa kolay olsun erindä ilaçlanmaa.  İnsan lääzım bilsin, ani gemodializ ilaçlamasını o mutlaka kabledecek». 

Dializ ilaçlamasını burada geçerlär diil sade Komrat dolayından hastalar, ama yakın bulunan dolaylardan da hastalar gelerlär.  Hepsi onnar 28 kişi. En genç 30 yaşında. Bir  dializ proţedurası için lääzımnı mediţina sigortalaması kurumu öder 1950 ley. Bir ayda bu sayı kurer 660 bin ley, haberledi Komrat dolay bolniţasının başı Elena Novak.

 

Tekst: V.Kerman, video:A.Novak, montaj: A.Gerçu