Moldova Respublikasının prezidenti İgor Dodon sayêr, ani kurulan koaliţiyada, iki taraf ta lääzım yapsın hepsini, ki birliktä çalışmaa – o vakıt nicä Respublikanın Ministruların öndercisi Maya Sandu söleer, ani eni seçimnär var nicä geçirilsinnär.
İGOR DODON, Moldova Respublikasının prezidenti:“Koaliţiya zor kuruldu, ama bizdä şindi var kolaylık cümneyi birleştirmää. Eer bizim, öndercilerä akıl etärseydi – biz bu şansı kaybetmeyecez. Bu Parlamentlän zar-zor var nicä işlemää 4 yıl. Olacêk mı bölä – soruş, önemli bir iş, eer kimsä düşünärsäydi, ani onnara verdilär hepsi ministerlikleri, da onnar ölä “büük” öndercilär, var nicä türlü deklaraţiyaları yapsınnar, bän isteerim aklılarına getirmää, ani onnarda 26 mandat. Diil 51, diil hiç 35 ta, nicä soţialist partiyasında, ama 26. Durum var nicä ileri gitsin sade ozaman, açan biz birliktäyiz”.
Ministruların öndercisi Maya Sandu intervyuda “Radio Svoboda” kurumun Ukraina bürosuna söledi, ani bu koaliţiyä kuruldu demokratları yok etmää deyni.
MAYA SANDU, Moldovanın Ministruların öndercisi: “Koaliţiyä soţialistlärlän – o bir vakıtlık karar, ama onu lääzımdı kurmaa, ki yok etmää Demokrat partiyasının ozamankı öndercisini Vladimir Plahotnüün rejimini. Moldovada var nicä eni seçimnärda geçirilsinnär”
