Gagauziya futbol çempionatın sekizinci turu dinnenmäk günnerindä geçti. Onun çıkışlarına görä, Kıpçaklı “Sokol” komandası ilk erdä kaldı.
“Olimp” futbol klubu edinci sıra ensedi, tarayıp Valkaneşi sayıylan 3:1. Sert oyun oldu Tomay hem Avdarma klubların arasında. Taradıp sayıylan 0:3, futbolcular Avdarmadan bitki 10 minudun süresindä dooruttular sayıyı. Beşalmadan “Birlik” komandası taradı “Umutluk” Komrat klubunu 4:0 sayıylan. Taa bir oyunda Karboliya küüyündän “Patriot” klubu ensedi komandayı Çadır kasabasından –5:2 sayıylan. Kıpçaktan futbol klubu — “Barabar” komandasını ensedi – sayı kurdu 3:2.
Gagauziya çempionatın ilk payın bitkisinädän kaldı taa bir tur hem taa birkaç oyun, angılarını hava durumun beterinä başka vakıda geçirdilär. Sekiz turdan sora “Sokol” komandası Kıpçaktan ilk erdä bulunȇr. Onun aardında Komrattan “Olimp”, angısında var taa bir oyun. Bitki erdä bulunȇr Kongazçiktan futbol klubu – onda sayıda bir da bal yok.
