6 yıldan sora Moldovanın Üüsek Daava Palatası Komrat dolay bolniţasının başın ayırmak konkursun çikişlarını kanona kaarşı yapılmış saydı.
Komrat dolay bolniţasının başın görevinä konkurs 2013 yılda geçirildi. Onu taradıydı Elena Novak — bolniţanın büünkü başı. Konkursta pay almış kandidatların birisi — Nina Raylän kayıl olmadı bölä çıkışlarlan da aslıyı belli etmäk için daavaya danıştı. Altı yıldan sora Üüsek Daava Palatası kararladı, ani konkurs kanona kaarşı geçti.
İnternettä peydalandı haberlär, ani Üüsek Daava Palatasının kararından sora Elenayı Novak iş erindän çıkardılar. “GRT” kanalın korespondentinä Elena Novak dedi, ani bu diil aslı. Telefonda lafetmesindä o açıkladı, ani büünkü günä ilaçlanmak vakıdında bulunȇr.
Lääzım nışannamaa, ani Komrat dolay bolniţası Gagauziyanın Saalıı Korumak Bakannıına baalı işini götürer. “GRT” — nın jurnaalisti birkaç sıra telefon etti Saalıı Korumak Bakannın başına Svetlana Dulevaya kommentariyalar için, ama Svetlana Duleva telefonunu açmadı.
