Moldova Parlamentin başın yardımcısı Aleksandr Slusar kendi Facebook sayfasında tiparladı danışmayı devletin vergi izmetinä, ki onnar belli etsinnär ödenilmiş mi Vladimir Plahotnüün vergileri. Bu sayı 9,6 million dolar kurȇr.
Parlamentın deputatı Aleksandr Slusar kendi danışmasını Antikorupţiya, Genel prokuraturası hem Vergi izmeti kurumnarına yolladı.
“Pek şüpeli annaşmak, alıp esaba paraların dönmesini. 2011-ci yılda kıran (dekabri) ayında Plahotnük hem Platon annaşmayı yapmışlar. Bu shemada var Moldovadan bank, Şveyţariyadan bankalar hem kurumnar Panamadan. Onnar hepsi Kroll dokumentindä belli edilerlär. Burada kullanmışlar diil aslı annaşmayı, angısına görä maana odun satın almışlar. Ofiţial uurda OTIV Prime Holding kableder 75 milion dolar. Diil ofiţial da – taa beş million dollar başka kuruma, angısını Plahotnük kullanȇr”, — yazdı Aleksandr Slusar kendi Facebook sayfasında.
Butakım, Aleksandr Slusar isteer, ki Vergi nasaatı baksın, ödedi mi Vlad Plahotnük hepsi vergileri, angıları kurȇr 9,6 million dollar. Eer nesäydi kanona görä yapılmadıysaydı, ozaman Plahotnük adına daava işi açılsın.