Ceviz (sentäbr) ayın 13-dä Komratta geçecek Amerika kulturanın günü. Ona baalı olaylar başlayacȇk saat 16:00 –da kultura evin önündä.
Musaafirlerä deyni kurulacȇk birkaç tematikalı zona: bilgilendirmäk zonası açıklayacȇk Amerika hükümetinnän finanslanan proektları için bilgileri, amerikalı kufnenin zonasında var nicä olacek datmaa amerikalı imeklerini, taa bir zonada çalacȇk Amerikadan gelecek muzıkantlar hem gösterilecek film, sport zonasında da, hepsi isteyennerin olacȇk kolaylikları oynasınnar beysbol hem amerikalı futbol.
Amerika kulturanın günneri geçer Moldovada ceviz ayın ilk günnerindän. Olaylar geçecek 6 kasabada.
Ayın 6-da Amerika kulturanın günü geçti Kişinövda, 7-dä – Tiraspolda, 8 – dä – Soroki kasabasında.
Bu afta olaylar geçecek: ceviz ayın 13-dä Komratta kultura evin önündä, 14-dä – Tarakliyada meydanda, 15-dä – Belţı kasanasında merkez parkinda.