SMURD SUD izmet edecek üülen tarafının üç dolayına – Kaul, Kantemir hem Tarakliya.
SMURD SUD İzmeti zaamet edecek kaldırmaa taa üüsek uura mediţina yardımını hatalı olaylarında, haberledi SMURD izmetin uzmanı, mayor Dmitriy Karasik.
«SMURD üülen bölümü yardım edecek yaşayannara hatalı olaylarda. Kurtarıcılar hem paramediklär bekleyeceklär insannardan signalları, deyni yardıma gelmää. Yaşayannara üüsek kvalifikaţıya uurunda yardım yapılacȇk. Hepsi bunnar olȇrlar, neçinki Kagul kasabasında var mobil merkezi, angısı var nicä kurtarsın çok insan. Vakıtlan bu sistema giriştirilecek bütün devlettä», — söledi Dmitriy Karasik.
Herbir mobil brigadasına girerlär mediţinada üüsek kvalifikaţiyaylan uzmannar, angıları maasuz üürenerlär deyni çalışmaa bu izmettä. Onnar taa çalışȇrlar aviaţiya uurunda kurumnarınnan bararbar.
Nicä devlettä kuruldu SMURD izmeti, onun yardımınnan geçirildi 13 bindän zeedä er üzündä medik uurunda operaţiyalar hem 57 bindän zeedä havadan operaţiyalar nicä devletin poyraz tarafında, ölä da üülen tarafında, ama şindi izmet çalışacȇk taa üüsek uurda.
SMURD izmeti kendi işini Moldovada seftä başladıydı 2014 yılda.
