«Gagauziya Radio Televizionu» kurumun gözledici sovetinä seçilmää isteyän kişilerindän dokumentlär kablediläärdi bugünä kadar. Büünkü günä isteklerini verdi 21 kişi, haberledi halk topluşun başı Vladimir Kıssa. Gözledici sovetinä lääzım ayırılsın 9 aza.
«Büün bitki gün, deyni dokumentleri kabletmää. Halk Topluşunun işini götürän bakannık kontrol edecek kepsi kabledilmiş dokumentleri lääzımlı koşullara görä. Var nicä olsun, ani canavar ayın 4-dä olacȇk Prezidiumun oturuşu, da herbir kandidatın dokumentlerini birär- virär bakacez, sora da bir haftadan sora var nicä olsun, ani Halk Topluşun deputatları ayıracȇklar kandidatları, angıları gireceklär Gözledici nasaatına», — açıkladı Halk Topluşun başı Vladimir Kıssa.
GRT kompaniyasının bitki gözledici soveti seçildiydi halk topluşunnan 2018-cı yılda mart ayında. Bu yıl orak (iül) ayın 30-da deputatlar bu soveti boşandırdılar.
