Ceviz ayın 28-dä, Stepan Mihayloviç Topalın geçinmiş gününä karşı eni mezarlıkta, neredä o gömülü, geçecek onu anmak olayı. Gagauz respublikasının prezidentini anmaa deyni olaya katılacȇklar onun aylesi hem hısımnarı, dostları, avtonomiyanın öndercilii, devlet kurumnarın uzmannarı, cümne aktivistleri.
Olayı hazırlȇȇr Gagauziyanın Mariya Maruneviç adına bilim — asaraştırmak merkezi.
“O gün biz anacȇz Stepan Topalın geçinmesinin 1-ci yıldönümünü. Bizim merkez Stepan Topalı anmak için memorialı hazırȇȇr, hep o günü biz onun bir payını açacȇz», — haberledi Mariya Maruneviç adına bilim — asaraştırmak merkezinnin başı İrina Konstantinova.
Olayın programması:
08.00-08.10 Eni mezarlıkta toplanmak
08.10-08.25 Anmak likiyası
08.25-08.40 Avtonomiyanın kuvetlerin başların anmak lafları
08.40-09.00 Gagauz Respublikasının ilk prezidentin memorialına çiçek koyulması
Stepan Mihailoviç Topal 1990 –nci yıllarda Gaguz millet akıntısının aktivistlerindän biriydi. 1991 yılda Kıran ayın 1-dä o Gagauz Respublikasının prezidenti seçildi. Ozaman onu için kendi seslerini verdi 90 % insan, angıları seçimnerdä pay aldılar. 1991 -1995 yıllarda Gagauz respublikasının Moldovaya raat reintegraţiyasının başındaydı. Bundan sora Gagauziyanın avtonomiyası kuruldu.
2010 yılda Stepan Topal Gagauziyada Aksakalların sovetinin kuruycülarından biriydi. Kabletti moldovanın hem Gagauziyanın en üüsek ödüllerini.
Stepan Topal geçindi ceviz ayın 29-da 2018 yılda, 80 yaşında.
