İlk 50.000 vakţina dozası salgın hastalıına karşı Moldovaya gelecek kasım (noyabri) 5-dä. Kalan 150.000 dozayı getireceklär gelecek aftalarda.

Cümnä Millet saalık agentstvosunun öndercisi Ştefan Georgiţȇ belli etti, ani 50.000 aşı dozası – 100.000 dozanın payı, angısını satın aldı devletin Millet mediţina sigorta kompaniyası. Bir aşın paayı kurȇr 120 bin ley.

«Vakţinayı daadaceklar devlet  mediţina kurumnarına, bundan sora onu insana çekedeceklär koymaa. En ilk aşı koyaceklar o hastalara, kim hronik hastalıını çeker, medik işçilerinä, askerlerä hem sınır koruyucularına, kurtarıcılara, vama izmetçilerinä hem uşak evlerin terbiedilennerinä», — söledi Georgiţȇ.

O urguladı, ani aş Franţiyada yapılı, onu almaa nasaat eder Butun dünnedä saalıı koruyan kurumu. Taa 100.000 aşı dozasını İspaniyada yapılı verecek amerikalı partnörlar.

Uzman açıkladı, ani aşların vakıtça gelmemesi bizä kötü etmeyecek, çünkü devlettä ȇpidemiologiya durumu ii. Şindiyä kadar salgınnan ulaşmak belli edilmedi.

Doktorlar sayȇrlar, ani salgından aşın koyulması — en korkunçsuz hem ȇfektli korunmak kolaylıı. Onu koymaa nasaat ediler hepsinä, kim korkunçluk kategoriyasına girerlär, onnara aşı koyulȇr parasız. Salgın hastalıına karşı aşı aar hastalıkların peydalanmasının riskini azaldȇr hem insanı ölümdän koruyȇr, doktorlara danışmakların sayısını azaldȇr, iş hem üürenmäk günnerinin kaybelmesini engeller.

Saalık korumak Ministerliin haberlerinä görä, 2018 – ci yılın oktäbrinin 1-dän 2019 – cu yılın mart ayın 31-dän sayıya koyuldu 2151 olay salgın hastalıınnan.