Bakannık komiteti dün, oktäbrinin 31-dä, oturuşunda kararladı vermää yakın 1 mln. 200 bin ley Komrat kasabasına getirän R-28 — M-3 yolun  5,8 km uzunnuunda düzülmesinä.

Kabledilmiş postanovleniyedä belli ediler, ani asfaltlı yolda kuyuları kapatmak için bakılı 251,010 ley; yolun ayırı paylarını düsmää deyni — 796,290 ley; yolun boyunda suların akmak erlerin hem bordürların koyulması için — 149,100 ley.

Bu diişilmekleri Gagauziyanın Bakannık komiteti geliştirdi kendi 27.09.2019 y. № 29/8 — «2019-cu yıla Gagauziyanın infrastrukturasına girän erideki cümnä yollarını kullanmak yol fondun Programası» postanovleniyesinä baalı yolların düzülmesinä paraları harcamak fondun Programasının 1- ci Prilojeniyesinä.