Dekabrinin 3-dän GRT cümnä kompaniyasının televizionu hem radiosu çeketti çalışmaa cannı yayında bütündän. Şansora çözüldülär önemli tehik problemaları, angıları peydalandılar bu yılın harman (avgust) ayında.
GRT cümnä kompaniyasının başın baş davası — televizionun hem radionun cannı yayında programaların çıkmaları. Nicä nışannadı kompaniyanın öndercisi Vladimir Kılçik tehnik durmanın vakıdında bişey yapılmadı, ki yayın çalışsın.
Dostluk moldo-türk toplumun başı Rafet Köksal haberledi, ani Türkiya tarafı hazır ileriyadooru da yardım etmää kompaniyanın ilerlemesindä.
Baş injenerın işini götürän Yaroslav Bulgaru haberledi, ani televizionda bideo mikşer hem üç konvektor bozuldular. Ama barabar çalişmaktan sora tehnika düzüldü.
«O beterä, ani kompaniyada finans durumu pek zor, biz bir vakıda bulduk mikşerı. Bizim tertipi verdik düzmeyä. Dün hem ötögün vardı çok işimiz, angısı baalıydı tertiplerın çalışmasınnan, neçin ki onnar biri-birindän ayırlanȇrlar. Ama biz bunu yaptık da şındı kompaniya var nasıl haberleri cannı yayında göstersin hem da programaları studiyada yazsın. Ama bir problema kaldı. Şindi işlämeer videovul studiyada. Bakacȇz ne yandı da savaşacȇz düzmää. Taa bir problema o ani biz yokuz Starnetta. Düşünerim, ani teezdä bu soruş ta çözülecek. Hepsi işleri kısa zamanda lääzım yapalım», — dedi Bulgaru.
GRT kompaniyasının başı Vladimir Kılçik annattı nesoy davalar tehnik uurunda durerlar onnarın önündä.
GRT kompaniyasının tehnikası bozuldu bu yılın harman ayın 9-da kötü havanın beterinä. İşçilär evdä durdular kasım ayın 11-dän.
