Moldovanın meteo kurumu bildirdi sarı kodu bütün devlettä koyu dumanın beterinä. Onun haberinä görä yolun görülmesi kötü olacek. Bu durum saat 13:00 kadar sürecek.
“Belli edilmiş vakıdın içindä hep duman olacek, yol görünecek sade 200 metrayadan hem taa aaz”, — deniler meteo kurumun haberindä, yayınnȇȇr tv8.
Meteorologlar nışannadılar en büük riskleri bölä hava durumda:
- Yolun kötü görünmesi, ne var nicä yol razgelmelerin sayısının zeedelenmesinä getirsin;
- Avtobusların gezmäk saatların diişmesi;
- Soluun kirlenmesi, maalez büük kasabalarda;
- Kalp hastalıınnan hasta insannarın raatsızlanması.
Bununnan birerdä devlet poliţiya bakanıı bir sıra nasat verer maşınaların kullanıcılarına:
- Dumana karşı şafkları kullansınnar;
- Pek hızlı gitmesinnär;
- Önündä gidän maşınaların önünä geçmää savaşmasınnar hem pek yakın onnara gitmesinnär;
- Saalıına sesirgensinnär hem dışarda çok durmasınnar.
