2020 yılın çeketmesindän Moldovada eni şofer kimnikleri giriştirildilär. Bu kararı hükümet kabletti. Netürlü diişilmeklär oldular bu dokumenttä?

Şofer kimniklerinä enilikleri giriştirmäk için karar kabledildi, ki getirmää erindeki kanonnarı bu dokumentlerin kabletmesi için hem Evropa Nasaadın direktivalarını şofer kimnikleri için. Ta bir sebep baalı onunnan, ani çoyu şoferlar, angıları kimi Evropa devletlerindä Moldovada verilän eski kimnikleri kullanȇrlar, türlü zorluklarlan karşı gelerlär, söler Komrat maşinaları hem şoferları sayıya koymak bölümün başı Vitaliy Kapsamun.

«Laf gidärsaydı «В,С,D,E» kategoriyaları için, angıları verildilär 2019 yıladan, ozaman verilerlar eni, taa geniş kategoriyalar. Açan şofer diiştirer dokumentini, ya verer enidän ekzamenneri, o kableder eni şofer kimniini eni kategoriyalarlan. Varsaydı onda «А» kategoriyası, o mutlaka kabledeer «A, A1, A2» kategoriyalarını. «В» kategoriyasınnan birliktä veriler «В1». «С» kategoriyasınnan koyulȇr «С1». Hep ölä «D» kategoriyasınnan dokumentleri kabledärkana, mutlaka «D1» veriler», — dedi Kapsomun.

Hep ölä, nicä urgulȇr V.Kapsamun, şofer kimnikleri, angıları 1995-ci yıldan 2009-cu yıla kadar verildilär kalȇrlar diişilmedik. Er onnarı kendisi şofer diiştirmää karar almaarsaydı. Kimniklär, angıları verildilär 2009-cudan buyana kadar, 10 yıl geçtiktän sora lääzım diiştirilsinnär. Şoferlar kabledeceklär eni türlü dokumentleri, angılarında yok bilgi kan gruppası için, ama var er, neredä maasuz izmetlerin uzmannarı var nasıl lääzımnı bilgileri braksınnar.

 

Tekst: V.Kerman, video: A.Topal, montaj: İ.Varban