Moldovada koronaviruslan hastalanmak olayları yok, sorumnu kurumnar da durumu kontrol altında tutȇrlar. Bunu için haberledi prezident İgor Dodon başbakanlan hem parlamentin spikerinnän toplantıdan sora.

“Devlet kuvedi kurumnarı: Saalık koruması Ministerlii Cümnä Saalık Merkezi göz altında tuterlar  durumu , angısı koronavirus hastalıınnan baalı. Bu soruşu biz derindän baktık taa geçän aftanın sonunda. Büün biz taa bir sıra açıkladık bu durumu, angısı uzmannarın göz altında sıkı bulunȇr. Moldovada yok hiç bir da olay bu hastalıklan baalı. Biz pek dikkat  kontrol altında tutȇrız aȇroportları hem devletin sınırlarında bulunan giriş-çıkış kapularını. Siz bilersiniz, ani bu eni virus, angısının beterinä büünkü günda var insan ölümü olayları da”, — dedi Dodon.

BBC — nin haberinä görä koronavirus öldürdü artık 100 insanı.

Eni virus pek tez yayılȇr: Kitayda hastalanmış insannarın sayısı artık 4,5 bin kişi kurȇr, 106 insan geçindi.