Bıyıl hava durumu verdi kolaylık çiftçilerä ekin bereketini taa erken toplamaa. Berekedin toplanması belasız geçsin deyni, çiftçilerä yangından korumak kurallarını esap аlmaa teklif ederlär.

Bu afta Gagauziyanın kırlarında berekedi toplamaa başladılar. Gagauziyanın çiftçilik baş bakannın başı Aleksandr Kendigelän çizgiledi, ani  pek önemli  yangından korumak kurallarını esaba аlmaa.

ALEKSANDR KENDİGELÄN  Gagauziyanın çiftçilik baş bakannıın başı: «Dolayların  administraţiya başları, primarlar, çiftçi çorbacılıkların öndercileri lääzım bu işleri esaba alıp, kullansınnar:  becerikli kullansınnar bereketi toplamak tehnikasını, biyaz ekinneri vakıtçasına hem kaliteli toplasınnar, berekedi korusunna hem terekeyi pay etmäk proţesini  üüsek uurda  kursunnar».

Aleksandr Kendigelän   haberledi, ani bu yıl kırlar vakıtça bakıldılar. Belli edildi, ani ii bereket olacek.

Tekst: N.Radiş, video: S.Bejenari, montaj: T.Kazaku