Avtonomiyanın ekonomika uurunda ilerlemesi daavası, girer regonun kuvetlerin en önemli daavaların arasına. Bu iş için haberledi «Prämaya liniyä» programasında ayırılmış başkan İrina Vlah.
İRİNA VLAH, ayırılmış başkan: «Eni iş erlerin açılması, kazanç paraların zeedelenmesi, Çadırda aȇroportun düzülmesi, Valkaneş kasabasında elektrostanţyasının yapılması. İlerledecez proekti, angısı baalı su hem kanalizaţiya sistemaların geçirmesininnän Valkaneş kasabasında. Komrat kasabasında da lääzım diyştirmää kolektoru hem kanalizaţiya sistemasını. Hem taa başka proektlär, angılarını giriştirecez gelän dört yılın süresindä. Biz bileriz ne yapacez bu yıl. Başaracez hepsi proektleri, angılarını 2019-cu yılda çekettik. Var proekt, angısına görä avtonomiyanın 24 küüyündä infrastruktura proektleri yapılȇrlar. Bizim Avtonomiyamızda türlü yapılar düzülerlär. Nietleneriz başarmaa kurumnarı, angılarını çekettik bu yıl düzmää. Onnarın arasında Komrat stadionu, Çadırdakı incäzanaat evi, hepsi soţial obyektlerin düzülmesini da başaracȇz. Hep ölä soţial programalar ilerleneceklär, ama gelän yıldan enilär da peydalanaceklar. 2020-ci yıldan hepsi uşaklar yaslalara parasız gezeceklär. Var taa başka programalar da, angılarını lääzım yaşamaya giriştirmää».
2019-cu yılın başkan seçimnerindä İrina Vlah için kendi seslerini 49742 yaşayan verdilär.
Tekst:N.Andrieş, video:V.İvarlak, montaj:İ.Varban
