“Piligrim- Demo” kurumun başı Mihail Sirkeli cuvap etti ayırılmış başkanın, İrina Vlahın sözünä, angısında onu seçilmiş başkan kabaatlı bıldu, ani  o sordu ki kandidatlar kayıl olmasınnar seçimnerin çıkışlarınnan.

Ayırılmış başkan İrina Vlah, bulunarak GRT-da  programalların birindä söledi,  neçin kimi kandidatlar kayıl olmadılar seçimnerin çıkışlarınnan, kaabatlı bulup bunda Mihail Sirkeliyi.

İRİNA VLAN, ayırılmış başkan: “Bendä var haber, ani açan benim oponentlerim kayıl oldular ani seçimnär kanoncasına geçtilär, Mihail Sirkeli  başladı kaarşı buna gitmää. O çeketti Dmitriy Manoldan, söledi ona ani diil lääzım kayıl olmaa seçimnärlan. Onnarı lääzım maasuz daavaya vermää. Nicä bän annêrım Dmitriy Manol onnan kayıl olmadı, da Sirkeli dannıştı Çimpoeşa”.

Kendi sırasında Mihail Sirkeli cuvap etti başkanın laflarına.

MİHAİL SİRKELİ, “Piligrim- Demo” kurumun başı: “Ne Sergey Çimpoeşlan ne da Dmitriy Manollan bän lafetmedim bütün ayırmak kompaniyanın süresindä. Lafetmedim ne seçim günündä ne dä sora. Telefon açmadım hem buluşmadım da. Dmitriy Manollan buluştum sade iki keret- ayırmak debatlarında, angılarını geçirdi nokta portalı, onnarda pay aldı İvan Burgudji da. İkinci keret biz onnan lafettik seçim günündä merkez seçim komissiyasında. Ne biz lafettik siz var nicä göräsinis o videoda, angısını bän çikardım hem facebooka koydum. Seçinmerdän sora bän Dmitriy Manollan buluşmadım”.

Lääzım nışanamaa, ani “Piligrim- Demo” kurumu tek kurum  Gagauziyada, angısı gözletti seçimneri hepsi ayırmak bölümnerindä. Kendi çıkışında kurum belli etti, ani ayırmak proţesi ii urda geçti. Ama vardı kimi probmlemnär da. Onnarın arasında ayırmak bölümlerin işin sebepsiz illerlenmesin.

Tekst:A.Karapirä, Ü.Katranji, video:V.İvarlak, montaj:İ.Varban