Moldova Devletin Parlamentin deputatı (2009-2010y.y.) hem iş adamı Väçeslav Platon sayȇr, ani 2016 yılda onun ȇkstadiţiyası Kievdan Moldovaya kanona kaarşı yapıldı. O sayȇr, ani bu işi yaptı Ukraina devletin ozamankı prezidenti Pötr Poroşenko. Bunu Platon açıkladı TV8 kanalının «Politica» programmasına verilän intervyüdä.
2016 yılda Harman ayında Platonu Kiev kasabasından Moldovaya getirttlilär, da kabatlı onu saydılar.
VÄÇESLAV PLATON, Moldova Devletin Parlamentin deputatı (2009-2010y.y.): «Bän 100% bilärdim, ani bana ekstradiţıya yapmayaceklar. Bän sanardım, ani onnar tez beni kapamayaceklar. Beni aaraştırmak sistemasında belli ettiydilär, da hep o günü dä bän kapana düştüm. En ilkin İnterpola vererlär, sora da bir ayın süresindä aaraştırmakları geçirerlär. Ama beni tutmaa deyni onnar iki ay taa illeri hazırlandılar ».
Daava oturuşlarında Platon diil bir sıra haberlärdi, ani onun getirilmesi Ukrainadan Moldovaya kanona kaaşı yapıldı. O sayȇr, ani onu Vladimir Plahohotnää 3 million dollara sattı Ukraina devletin ozamankı prezidenti Pötr Poroşenko.
VÄÇESLAV PLATON, Moldova Devletin Parlamentin deputatı (2009-2010y.y.): «Bän duyardım, ani Plahotnük bana karşı hazırlȇȇr operaţıyayı. Bäm umutlanardım ozaman, ani Ukrainada kanonnar hem lääzımnı kurallar işleerlär. Bän Ukraina devletin yaşayanıyım taa 1993 yıldan beeri, şansora 23 yıl. Bän ilkin oldum Ukraina yaşayanı, sora da Moldova vatandaşlıını kablettim».
Önemli çizgilemää, ani Väçeslav Platonu iki daava işindä kabaatlı buldular – yalanncılıkta hem büük para sayısının çalmasında. Ona düştü 25 yıl kapan verildi.
