Yaz sesiyasının çıkışlarına görä 481 okul bitirennerindän bakalavrayı verebildilär 467 kişi – ya da 97,09%. İlerdän bakalavrayı veremeyän 19 kişidän bu keret verebildi 12 kişi – ya da 63,16%.

Bu yıl bakalavrayı vermek için Gagauziyada yazıldı 565 kandidat, onnarın arasında 22 kişi, ani ilerdän bu ekzamenneri veremedilär, 38 kandidat Komrattakı koledjından hem 20 Svetlıy küüyündän koledjından.

Avtonomiyanın liţeylerindän 485 kandidatlardan 444 – rus dilindä üürendilär, 41 da rumıncä. Real profildä üürendi 194 bitirän, gumanitar – 283, 8 kişi da sport profilindä liţeyi başardılar.

Gagauziyada bu yıl 5 bakalavrayı vermäk merkezi açtılar: Komratta Gaydarcı hem Karaçoban adına liţeylerindä, Çadır-Lungada Guboglo hem Moşkov adına liţeylerindä hem Valkaneştä Rudenko adına gimnaziyasında.

Bu yıl bakalavrayı vermedilär da avtomatik olarak 10 balı kabletti 7 bitirän. Onnar – 2019 üürenmäk yılın okul olimpiadaların prizörları.

Gagauz Eri koledjların 56 kandidatlarından bakalavrayı verdi 44 üürenici — 78,57%. Da bu sayılar respublikanın sayılarına görä taa üüsek, nışannȇȇr üüretim bakannıı.

Bu bakalavr sesiyasında avtonomiyada bakalavrayı verän kandidatlardan hiç biri da ekzamennerdän koolanmadı. Respublikada sa 4 kişi koolandı.