Komrat kasabasında plana koyȇrlar koymaa anmak taşını Gagauz Respublikasının ilk prezidentinä Stepan Topala. Bu iniţıativayı birerdä açıkladılar Halk Topluşun başı Vladimir Kısa hem cümnä temsilcileri.
Gagauz Erinin 25-ci yıldönümünädän, angısı nışannanacek kıran (dekabri) ayın 23-dä, Gagauz Respublikanın prezidentinä Stepan Topala monumentın kaldırmasının erindä ilk taşı koyma isteerlär. Anmak taşın koyulması için ayırıldı birkaç er. Halk Topluşun başı Vladimir Kıssa annattı, neredä anmak taşını taa ii olacêk koymaa.
VLADİMİR KISSA, Gagauziyanın Halk Topluşun başı: «Dün biz toplantı yaptık. Topluşta türlü uzmannar pay aldılar. Lafettik, neredä var nasıl Stepan Topala anmak taşını koymaa. Vardı üç er – Kultura evin hem G. Gaydarjının adına liţeyin arasında, Komrat Devlet Universitetin yanında, alleyada hem da Bakannık Komitetin hem Halk Topluşun yapının yanında».
Stepan Topal Gagauz Respublikasının prezidentı 1991 yılda oldu. Gagauz Respublikası kıran ( dekabri) ayın 23-dän 1994 yıla kadar işledi. Sora Moldovanın Parlamenti kararladı Gagauziyaya Maauz Hak olarak Avtonomiyä statusunu vermää.
