Moldovaya genä sıcak havalar döndü. Meteorogiya uzmannarın prognozlarına görä soluun temperaturası kalkacȇk + 33 +35 gradusadan .
Sıcaan sarı kodu Moldovada ilerleyecek harman ayın 15-nädän. Komrat kasabasının merkezindä kuruldu çadır, neredä geçer insan var nicä güneştän saklansın, su içsin, hem damar baskısını ölçsün.
Avtonomiyanın yaşayannarı çadırın kurulmasını islää bir idea olarak kablederlär, neçin ani meydandan geçän insannarın halı var nicä birdän bozulsun, yada susuzluu olsun. Çadırda sa var nicä girip dinnenmää, soluunu almaa.
Doktorlar nışannȇrlar, ani sıcak havada insanın saalıı risk altına girer. İnsan var nicä birdän bayılsın, güüdesini kılça tutsun, gipertoniya hastalıı belli edilsin, güneştä yansın, ya da susuzluk duysun.
“Bölä havada dil lääzım çok vakıt dışarda bulunmaa, güneşin altında,maalez saat 11-dän 18-zädän. Dışarı çıkarkana, lääzım başına bişey giimä, üstünä kula renklerdä raat rubaları giimää,”— nışannadı doktor Anna Buzadji.
Önemli çizgilemää, ani hergün insan lääzım içsin 1,5 litradan 2 litrayadan su. Lääzım nekadar taa aaz içmää alkogol içkilerini, azaltmaa aar işileri hem yalı imekleri çok imemää.
