Kişinövdakı «Ȇverest Tim» sport — turizm klubu Çadırda hepsi isteyennär için sport uurundä turizm kursunu parasız yapacȇk Kurs ceviz ayın başında çekedilecek.
Parasız sport-turizm kursu Gagauziyada ilk keret yaoılacȇk. Hepsi kim isteer bu kursa katılmaa, lääzım 18 yaşından büük olsunnar, aktiv olsunnar, yolculuu sevsinnär hem eni “bayırları” ensemää istesinnär.
Çadır kasabasının yaşayankası, «Ȇverest Tim» turizm – sport klubun azası hem hazırlanan kursun iniţiatoru İrina Pinegina annattı, ani ideya kursu yapmaa geldi ondan sora, nicä avtonomiyadan çok kim sport turizmaylan başladılar meraklanmaa da sormaa.
«Bölä bir kurs yapılması için yaşayannarın çoyu hep sorardı, neçinki bän uşaklara deyni bölä bir kursu açtım. Onuştan kararladık yapmaa ölä bişey hertürlü yaşta insannar için da. Pay alacak kişilerin sayısının sınırlarını koymȇȇrız. Kim isteer serbest var nicä gelsin. Kurs bitecääzaman hepsimiz barabar 6 günnük 120 kilometralık bir yola yayan çıkacȇz. Marşrut Moldovanın teritoriyasında hazırlandı şansora. Onu başardıynan hepsi katılannar sport turizm federaţiyasından 1-ci uuru geçmesi için sertifikatını verecek. Bu kursu yapmaa deyni primariya da yardım eder. Teoria bölümün verilmesi için bizä tehnika tarafından yardım edecek hem kabinet verecek” – açıkladı İrina Pinegina.
Lekţiyalar aftada bir keret — dinnenmäk günnerindä yapılacȇk. Kurs başlȇȇr ceviz ayin 7-dä dä ilerleyecek 28-nädän. Lekţiyaları profesional uurunda uzmannar okuyacȇklar.
Turizm kurun sırasında dinnenmäk günnerindä katılannar gezmeyä çıkacȇklar deyni kabledilmiş bilgileri praktikada denesinnär.
Taa derindän turizm kursu için bilgileri var nicä üürenääsiniz Çadir kasabanın ofiţial saytında.
