Komrat muniţipal sport okulunda (KMSO) türlü sport sekţiyaları var. Bünkü gündä, her bir şkolacıda var kolaylık yazılsınnar türlü sport sekţiyalara hem çeketsinnär sportlan zanaatlanmaa.
Uşakların bol vakıdın sıralaması pek önemli bir osruş hem uşaklar için, hem onnarın ana-bobaları için. Çok şkolacı bilmer, nicä bol vakıdını faydalı geçirmää. Komrat muniţipal sport okulundan bir trener sayȇr, ani bölä olȇr, çünkü uşaklar bilmerlär, da onnara kimsey sölämeer onnarın kolaylıkları için.
Şindi sport okulu bekler gençleri, ki onnar türlü sport sekţiyalarına yazılsınnar. Okulda 7 sport sekţiyası var: futbol, voleybol, güreş, boks, karatȇ, tȇhkvando, şaşki-şahmatı. Trenirovkalar geçer: Komrat «Univer» sport kompleksindä, M.Çakir adına koledjın sport zalında, «Furşet» alış-veriş merkezindä bulunan fitnes merkezindä, S. Kuroglo adına gimnaziyanın sport zalında (ilerdän 2 şkolaydı).
Komrat sport okulun direktoru nışannadı, ani hepsi trenerlerin üüsek profesional uuru var, okulda medik uzmanı hem konsultant işler. Hepsi soruşlara okulun direktoru hazır cevaplamaa. (069275354).
Lääzım nışannamaa, sport okulunda hepsi sekţiyalar parasız.
