Festival geçecek ceviz ayın 16-sından 19-unadan Kişinöv kasabasında, nereyi teklif edildi şannı televizion jurnalistlär hem rejisörlar sınır aşırından.
“TȆFİ-Sodrujestvo”fesativalindä gösterilecek türlü devletlerin televizion hem dokumental filmleri, jurnalistikada tanılan uzmannar paylaşacȇklar ustalıınnan.
“Bundan kaarä, olayın ofiţial açılmak günündä payalannara hem ekspertlerä gösterilecek dokumental filmi “Büük Ştefan. Moldovanın istoriyası”.Bu film artık çıkȇr dünnä uuruna”,- nışannadı prezidentä baalı massmediyalar komisiyanın başı Elena Leviţkaya-Pahomova.
Nicä annattı Leviţkaya-Pahomova, bu festivale katılacȇk 13 devlettän temsil edän. Onnardan 8 – zi yolladılar festivale kendi seriallarını, angılarını hazırlȇȇrlar göstermää festivaldä.
“Gelerlär şannı, bilinän insannar. Geler Leonid Yakuboviç hem başka şannı aktörlar. Onnar kalacȇklar burada 2-3 gün”,- annattı Elena Leviţkaya-Pahomova.
Bu olayı hazırlȇȇr “Rusiya televizion akademiyası” fondu Rusiyanın başka kurumnarın yardımınnan. Moldovanın tarafından olayı geçirmää yardım eder Moldova prezidentin administraţiyası.
