Geçmiş afta Çehıyada Dünna Çempionatı karate-setokanda güreşindä geçti. Gagauziyadan sportsmennär evä altın hem bronza medalilerinnän döndülär.

Canavar ayın 10-13 arası Karlovı Varı kasabasında 27-ci Dünnä Çempionatı karate güreşindä geçti. Çempionatta pay aldılar uşaklar, kadetlär, delikannılar, hem yaştan büük sportsmennär.

Dünnä Çempionatında 5 karatist Valkaneş kasabasının sport okulundan pay aldı, angıları Moldova komandasının adına güreşärdilär. Çocukları hazırlȇȇr  Moldovanın şannı treneri Nikolay Kazanı. Çempionatın İlk iki günündä gagauz karatistleri altın hem bronza medalilerini kazandılar.

“Oleg Kreţu altın medaliyi aldı “16-17 yaş + 65 kila” kategoriyasında, tarayıp 4 düüşmeyi. Artöm Şişku bronzayi aldı “14-15 yaş 57 kila” kategoriyasında, tarayıp 3 düüşmeyi, ama finala çikmaa deyni enseyämedi. Canavar ayin 13-dä düüşmeklär büüklerin hem komandaların arasında geçti, angılarında Zgerä Saveliy pay aldı. O — Evropanın çempionu hem geçmiş Dünna Çempionatında bronzayı aldı, bu çempionatta o 5-ci eri aldı. O hem Kseniyä Kazanı hastalandılar, da onnara biraz zoordu düüşmää”, — haberledi gagauz karatistlerin treneri.

Nışannayacȇz, ani Dünnä Çempionatında pay aldı 2000 sportsmendän zeedä.

Sergey Roşka