Gagauziya turistik informaţiya merkezinin, Ukraina gagauzlar cümnesi asoţiaţiyanın hem Odessa bölgesinin turizm bakannıınnan barabar çalışmak uurunda baalantı kurulêr. Bu baalantıya görä, 2020 yılda yapılacêk bölgelär arası bir tur, angısı kaplayacȇk Gagauziyayı hem Odessa bölgesinin gagauz hem bulgar yaşamak punktlarını.

İki turistik merkezlerin arasında  başlȇȇrlar kurulmaa baalantılar, da eni 2020 yılkı turistik sezonunda olacȇk bir meraklı tur, haberledi Gagauziya turistik informaţiya merkezinin başı Vera Garçu GRT kanalın «Gagauziya gün gündän» programmasında.

Vera Garçunun laflarına görä, tezdä  geçeceklär buluşmaklar iki turustik merkezlerin arasında, angılarında belli edileceklär, angı yaşamak punktları gireceklär bu tura, angısı başladılacȇk 2020 yılda mart ayında. Tur yapılacȇk  4 gün – 2 gün Gagauziyada hem 2 gün  Odessa bölgesindä.

Zinaida Efremova