1923 yılın canavar ayın 29 – da, Türkiye dünneyä kendini devlet olarak bildirdi. Bu gün Türkiyenin baş yortusu kutlanılȇȇr.
Bu gününkü Türkiyenin kurucusu — Mustfa Kemal Atatatürk. O getirdi türk halkını zamandaş devletin peydalamnasına.
Cenk Türkiye devletin kuruluşu için 1919 yılın hederlez ayından 1923 yılın canavar ayına kadar sürttü. Bitki-bitkiya, Türkiyenin hem Büük Britaniyanın, Franţiyanın, İtaliyanın, Yaponiyanın, Greţiyanın hem Rumıniyanın aaralarında usluluk annaşması imzalandı. Daaldı osman imperiyası. Türkiyenin sınırları belli edildi.
1923 yılın canavar ayın 6-sında okkupaţiya askerleri İstambuldan çıktılar. Canavar ayın 29-da Mustfa Kemal Atatatürk ofiţial olarak haberledi, ani Türkiye Respublika statusunu kabletti, eni kurulmuş devletin ilk prezidenti Mustfa Kemal Atatatürk oldu.
Türkiyenin başında Mustfa Kemal Atatatürk bulunarkana, devlettä politika, ekonomıka hem cümnä uurlarında derin reformalar yapıldı. Türkiye kısa zamanın içinda dünnä devletlerin arasında liderlerin biri oldu.
Türkiye devletin kuruluş yortusu geniş başladı kutlanılmaa 1925-ci yıldan canavar ayın 29-da. Bu gün devletin baş yortusu sayılȇr.
