Kasım ayın 3-dä belli edildi Gagauziya futbol kuboonun taa bir finalisti. Kirsova küüyünün «Мayak» komandası taradı Komrat kasabasının «Olimp» klubunu, da üüsek sayıylan çıktı finala, haberleer Gagauziya gençlik hem sport bakannıı.
Kasım ayın 3 –dä geçti matç, angısında «Olimp» klubu tarattı Kirsova küüyünün «Мayak» komandasına. Oyun geçti Kirsovanın stadionunda. «Мayak» klubuna bu matç getirdi 4 bal, hep o vakıtta «Olimp» klubu bir da keret uramadı Kirsovanın komandasının tokatlarına. Bölä çıkışlardan sora «Мayak» çıktı finala, neredä oynayacek Kongaz küüyünün komandasınnan bir — birä.
Gagauziya futbol kuboonun finalı «Мayak» hem «Кongaz» komandaların arasında geçecek kasım ayın 17-dä Çadır kasabasının stadionunda, da çekedecek saat 13:00.
Bu matçta iki kaavi komanda göstereceklär kendi becermeklerini hem bitkidä ayırılacek klub, angısı en üüsek çıkışları gösterecek, da Gagauziya 2019 futbol kuboonun çempionu olacek.
