Komratta regional resim galereyasında açıldı resim sergisi “Vernisaj 2019”. Güz sergisi baalı gagauz milli “Kasım” yortusuna.

Ekspoziţiyada gösterili 52 resim: natürmortlar, peyzajlar, portretlär hem başka janralarda yaratlamar.

Resimnerin avtorları – “Gagauz ART” topluluun resimcileri hem Pridnestrovyedän.

Serginin payalannarını hem ilk siiredicilerini selämnadılar galereyanın başı Nina Peeva hem Gagauziya kultura bakanı Marina Semönova.

“Eni serginin açılışı – nışannı bir olay, taa bir adım ileri Gagauziyanın resimcilik incä zanaatında hem bütündän kulturada. Yaratmalarınızda okunȇr fikirleriniz hem duygularınız, onnarda var canınızın bir parçası”, — nışannadı Semönova.

Selämnaşmaktan sora sergidä pay alan resimcilär baaşlandılar diplomnarnan.

Sergi olacȇk açık dekabrinin 25-dän.