Komrat devlet universitetindä gelän yılda açaceklar eni zanaatları. Soruş bakıldı Gagauziyanın üüsek üürenmäk kurumun uzmanarınnan, baş üüretim hem ȇkonomika bakannıkların temsilcilerinnän, ȇkonomika agentlerinnän hem regionun iş verän adamnarınnan.
Büünkü günä eni uzmannarın hazırlanması sayılȇr KDU-dä en aktual problemaların biri. En çok uzman lääzım bölä bölümnerdä nicä IT-tehnologiyalar, informaţiya tehnologiyaları hem injeneriyä uurunda uzmananar. Bunun için haberledi Komrat devlet universitetin rektoru Sergey Zahariya.
Açmaa deyni eni zanaatları lääzım maasuz tehnika bazası, metodika, bilim hem didaktika literaturası. Komrat devlet universitetindä var hepsi lääzımnı materiallar, nışannadı Sergey Zahariya.
Büünkü günä Komrat devlet universitetindä üürener1600 studenttän zeedä. Komrat devlet universiteti girer Moldova devletin 10 en ii üürenmäk kurumnarın sayısına.
