Kıran (dekabri) ayın 1-dä, 71 – ci yaşını tamannamadaan, geçindi Çeşmäküüyünün tanılan hem şannı yaşayanı, Gagauziyanın hem Moldovanın kultura uurunda şannı uzmanı Dmitriy Andreeviç Kambur, haberler cesma.md.
Kultura bölümündä Dmitriy Kambur işledi 50 yıla yakın.
O türlü vakıtlarda Çeşmäküüyündä, Tülüküüyündä hem Valkaneştä kultura evin başı olarak işledi. Valkaneş dolayın kultura bülümün başındaydı. Moldova kultura ministerliindä çalışıtı, 2007 – 2011 yıllarda da Gagauziyanın kultura hem turizm bakanıydı.
O pek ii anntatıcıydı, cümbüşçü, parodist hem tamada, lȇutar hem halk folklotun toplayıcısı, gagauz hem molduvan türkülerin türkücüsü, diplomattı, kultura uurunda türlü olayların yapılmasında ustaydı.
Dmitriy Kambur Moldovanın hem Gagauziyanın kurtura bölümün şannı uzmanıydı, baaşlandıydı devlet ödüllerinnän Moldova uurunda «Meritul civic» hem «Gloria muncii», Gagauziya uurunda Mihayıl Çakir adına ödülünnän.
