«Gagauzların namuz kodeksi» kiyadın prezentaţiyası Komratta geçti. Onun avtoru — istoriya bilgilerindä doktor Stepan Bulgar.
Gagauzların moral kodeksi kurulardı çok yılın içindä. Gagauz etikasının, yaşlı insannara saygıyı hem onnara hatır güütmesi — bunnar bu halkın diil yazılı kanonnarı,- açıkladı kendi kiyadında istoriya bilgilerindä doktor Stepan Bulgar.
“Söleyeräk gagauz kulturasının, dilin hem istoriyanın ilerlemesi için biz diil lääzım unudalım kendi halkımızın namuzluu için”,- söledi Gagauziyanın bilim-araştırmak merkezin başı İrina Konstantinova.
İstoriya bilgilerindä doktor Stepan Bulgar çok yıl aaraştırdı gagauzların namuzluunu hem hatırlıını. O gagauz folklorundan örneklerä analiz yaptı. Bu örneklär girdilär diil yazılı kodeksin kuralları.
“Herbir millet kendi kulturasını, üzünü hem özelliini koruyer”,- söledi bilim-araştırmak merkezin uzmanı Grigoriy Radov.
«Gagauzların namuz kodeksi» kiyadın tiraji 100 ekzemplär kurȇr. Ama avtor plana koydu tiraji zeedeletmää.
