2020 yılın çeketmesindän Moldova 200 zeedä uşak duudu. Gagauziyada yılın ilk günnerindä duudu 3 uşak.

2020 yılın ilk günnerindä Komrat dolayın duudurtmak bölümündä dünneya geldi 2 uşak, haberledi bölümün başı Maksim Dobrioglo. Kendi duumasınnan uşaklar sevindirdilär doktorları hem anaları –bobaları.

«Duudurtmaklar geçtilär operaţiyalarsız. İki çocuk duudu: biri 3.400 kilo, ikinci da 3.200 kiloylan. Uşaklar hem analar ii halda bulunȇrlar hem islää kendilerini duyȇrlar», — haberledi doktor.

Kongaz küüyün yaşayanı Svetlana paylaştı çekim grupasınnan kendi sevinmeliinnän, ani onda duudu çoçuk. O üçüncü uşak Svetlananın aylesindä, evdä karıyı bekleer onun iki kızı. Svetlana istedi hepsi analara iilik hem kısmet.

Çadır dolay bolniţasında 2020 yılın ilk günnerindä taa duumadı bir da uşak.

Valkaneş dolay bolniţasının duudurtmak bölümündä dünneyä geldi bir çocucak 3 kilalık hem 50 sm boylan.

 

Tekst: Z. Efremova, video: A.Topal, montaj: İ. Varban