Moldovada peydalandı eni ödemäk sisteması uşakaların bakmasıiçin. O kişilär, angılarında var sigorta, var nicä ayırsınnar iki türlü variant, nicä kabletmää bu ödemekleri.
Uşakların duuması için ödemeklerin sayısı büüdü bu yıl 388 leya. Ödemäk kuracek 8299 ley nicä sigortasız, ölä da kişilerä, angılarıda var sigorta. Taa da bir enilik girdi kuvedä. İnsannara, angılarında sigorta var, verilecek kolaylık ayırmaa ödemeklerin iki soyundan birisini, nışannadı soţial sigortalaması territorial kassasının başı Praskovya Karaivan.
«O insanda, angsında sigorta var uşaan bakması için 3 yaşınadan, var nicä kabletsinnär ödemekleri 30% aylık kazanç parasından herbir yıl için, ama diil minimal aylık ödemeklerin sayısından taa az. İkinci kolaylık – var nicä kabletmää 60% aylık kazanç parasından bir yıl ödemkleri, sora da uşak 2,2 olunca — 30% », — annattı Praskovya Karaivan.
Açan analar — bobalar ayırȇrlar uşak için nasıl ödemkleri kabletmää, onnar lääzım bilsinnär, ani yok nicä onnarı sora diiştirmää.
«Uşak duuduysa 2019 yılda, da kişi çıkarsaydı dinnenmäk vakıdına deyni uşaa bakmaa, seftä danışarsaydı ödemäk için, biz ona teklif ederiz 60% hem 30% kabletsin uşak 2,2 yaşında olunca,yada 30 % uşak 2 yaşında olunca. Ananın, yada bobanın var hakı kabletmää dinnenmäk vakıdı, deyni uşaa bakmaa o 3 yaşına olana kadar, bakmayarak kabledecek o odemekleri uşak 2,2 yaşında olacek, yada olmayacek», — dedi Praskovya Karaivan.
Sigortasız analara, uşak 2 yaşında olana kadar her ay ödener 640 ley. Hepsi ödemeklär gelerlär teritorial sigortalamak kassasından. Ödemekleri var nicä kabletmää poşta bölümümndä, yada bank kartasına.
