Büük (yanvari) ayın 30-da Gagauziya Halk Topluşun (GHT) başı Vladimir Kıssa verdi eni kanon iniţiativasını — “Gagauziya Halk Topluşu reglamenti” için eni kanon proektini. Dokument işledildi PROON ekspertlerin yardımınnan “Moldovada parlamentlik ilerletmesinin tutturması” proektinä görä GHT 2017 – 2019 yıllarda iş proţeslerin analizin temelindä.

Bu çıkışları önä alarak, GHT PROON kurumun yardımınnan işletti strategiya ilerlemesinin planını 2018-2020 yıllara, angısını GHT prezidiumu kablettiydi 2018 yılda orak (iül) ayında, haberler GHT pressa izmeti.

Gagauz Eri halkın en üüsek temsil edän organın hem sade bir kanon kabledän kuvedin prioritetlarına görä 2018 – 2020 yıllara, diişilmeklär doorudulaceklar GHT iş kalitesinin üüseltmesinä deputatlara üüsek kaliteli yardımı vereräk.

Yaşayannar hem bu temada meraklanan kurumnar var nicä bu kanon proekti için kendi fikirlerini açıklasınnar. Onnarı lääzım yollamaa GHT başın Vladimir Kıssanın mail adresinä:  kissavlad@mail.ru